مصري يتجسس على صفحات النساء على فيسبوك

في واقعة غريبة ومثيرة للسخرية إلى حد ما.. قام شاب مصري بإنشاء حساب على فيسبوك يدعي فيه أنه امرأة ليدخل الصفحات الخاصة بالنساء مثل صفحة تدعى “نادي الستات السري”.

مصري يتجسس على صفحات النساء على فيسبوك

وقام هذا الشاب بمتابعة المنشورات الخاصة التي لا تظهر لمن ليسوا من أعضاء الصفحة، والتقط صوراً للتعليقات والمنشورات عليها ليذهب ويبحث عن ازواج السيدات المشاركات ويرسل لهم الصور.

المنشور الذي برز تصدر حديث مواقع التواصل الاجتماعي كان سؤال ساخر بالعامية المصرية يقول “لما جوزك يزعقلك بتبرطمي تقولي ايه بصوت واطي؟” وتراوحت الردود بين السخرية والضحك بين السيدات عن الموقف.

مصري يتجسس على صفحات النساء على فيسبوك

لكن الأزمة كمنت بأن الشاب المصري، الذي يدعى أحمد مصطفى، كان يقوم بالبحث عن حسابات الازواج من خلال التعليقات ليقوم بإرسال صور من المنشور لهم.

ردود الأفعال

الموضوع أثار موجة جدل واسعة حيث هاجمه العديد من رواد مواقع التواصل بينما سخر البعض الآخر منه بسبب “فضاوته” ليقوم بهذا الفعل

مثل المعتصم بالله الذي علق عبر تويتر وقال:

“دا احمد مصطفي، احمد داخل جروب اسمه (نادي الستات السري) عشان ياخد كلام الستات جوا حتى لو بيهزرو هزار مفهوش اي حاجه ولا

يخصه دي كدا ويبعتو لاجوازهم واهاليهم

فايعني انت ممكن متنجحش اوي في الحياة او متحققش انجازات كتير بس المهم

متبقاش بجح زي احمد”

بينما علقت ماري وكتبت:

“عارفين الراجل اللي بينقل اصلا كلام الستات بيبقى اسمه ايه؟ ما بالك باللي قاعد معاهم جوة الكوافير حرفيا. الراجل والست هيتصالحوا وهو هيفضل اللي قاعد في الكوافير”

وكتبت عبير بسخرية:

“المشكلة انهم كتير فعلا وتحسهم قاعدين فاضيين ل جروبات البنات

يعني واحد قاعد طول النهار ع الموبايل يشوف كل واحدة بتكتب ايه ومتخيل ان ده عمل بطولي وانه بينقذ جوزها المسكين”

ومحمود عبد العزيز قال:

“العيال دي انتشرت جامد الفترة اللي فاتت وفي جروبات كاملة قايمة علي الفكرة دي و اغلبهم ١٧ و ١٨ سنة وفعلا محتاجين تربية من الاول وجديد.”